EPFO Nomination Benefits : कर्मचारी भविष्य निर्वाह निधी संघटने (PF)च्या वतीने सर्व सदस्यांना ई-नामांकन भरण्यास सांगितले जात आहे. कोणताही PFO सदस्य ऑनलाइन UAN पोर्टलला भेट देऊन सहजपणे ऑनलाइन ई-नामांकन दाखल करू शकतो आणि त्यासाठी नियोक्त्याचे कोणतेही प्रमाणपत्र आवश्यक नाही,
EPFO ई-नामांकन भरण्याचे फायदे
PF सदस्याच्या मृत्यूचा दावा केवळ ऑनलाइन उपलब्ध असतो.
PF खात्यात जमा केलेले पैसे, पेन्शन आणि विमा (७ लाखांपर्यंत) यांचा लाभ कायदेशीर वारसाला कोणत्याही अडचणीशिवाय दिला जातो.
तुमच्या दाव्याचा पेपरलेस आणि जलद निपटारा केला जातो.
ई-नॉमिनेशनचे नियम काय?
ईपीएफओच्या मते कोणताही भविष्य निर्वाह निधी खातेधारक केवळ त्याच्या कुटुंबातील सदस्यांना ई-नॉमिनेशनसाठी नामांकित करू शकतो. जर त्या व्यक्तीचे कुटुंब नसेल, तर तो इतर कोणत्याही व्यक्तीस नामनिर्देशित करण्यास स्वतंत्र आहे. मात्र कुटुंबाच्या बाबतीत अन्य कोणी उमेदवारी दिल्यास नामनिर्देशन रद्द होईल.
ई-नामांकनासाठी तुम्हाला पोर्टलवर आधार क्रमांक, पत्ता, जन्मतारीख, मोबाइल क्रमांक, बँक खाते आणि नामनिर्देशित व्यक्तीचे स्कॅन केलेले छायाचित्र अपलोड करावे लागेल.
PPF खातेदाराचा मृत्यू झाल्यास दावा करता येतो का?
पीपीएफ खातेधारकाचा मृत्यू होतो तेव्हा त्याचे पीपीएफ खाते चालू राहते जोपर्यंत त्याचा नॉमिनी किंवा कायदेशीर वारस त्याच्या खात्यातून संपूर्ण पैसे काढत नाही. पीपीएफ धारकाच्या मृत्यूनंतर आणखी रक्कम जमा केल्यास त्यावर व्याज मिळणार नाही. खातेधारकाच्या मृत्यूनंतर नॉमिनी व्यक्तीला खात्याची १५ वर्षे पूर्ण होण्याची प्रतीक्षा करण्याची आवश्यकता नाही. तो डेथ क्लेम फॉर्म आणि त्यासोबत आवश्यक कागदपत्रे भरून पैसे काढू शकतो.
नॉमिनी पैसे कसे काढू शकतो?
पीएफ खातेधारकाचा नॉमिनी आवश्यक कागदपत्रे जमा करून खात्यातून संपूर्ण पैसे काढू शकतो. यासाठी त्याला फॉर्म जी आणि खातेधारकाचे मृत्यू प्रमाणपत्र द्यावे लागेल. काही प्रकरणांमध्ये असे देखील होते की पीपीएफ धारकाने कोणीही नॉमिनी केले नाही. अशा परिस्थितीत त्याचा कायदेशीर वारस मृत्यू दावा दाखल करू शकतो
ई-नॉमिनेशन कसे करायचे?
सदस्य ईपीएफओच्या ‘मेंबर सर्विस पोर्टल’वर त्यांच्या खात्यात लॉग इन करून ई-नॉमिनेशन करू शकतात. ई-नॉमिनेशनसाठी तुमचा युनिव्हर्सल अकाउंट नंबर (UAN) सक्रिय असणे आवश्यक आहे. याशिवाय सदस्य सेवा पोर्टलवर तुमचा फोटो असणे आवश्यक आहे. याशिवाय तुमचा UAN आधारशी लिंक करणे देखील आवश्यक आहे. आधार लिंक झाल्यावरच खाते ओटीपीद्वारे सत्यापित केले जाऊ शकते.
पीएफ ऑनलाइन वारस नोंद येथे चेक करा